لا مش هنغير حاجة ولا هننقل حاجة
للأسف دي كلمة سمعتها إنهاردة من مسئول في قطاع مهم في دمياط — بس تعالى الأول أحكيلك قصة الفيل والكرة الحديد.
في السيرك علشان يروضوا الأفيال من وهي صغيرة أول ما يجيبوها بيربطوا في رجلها كرة حديد تقيلة جداً علشان كل ما الفيل يحاول يهرب أو يتحرك بعيد بيلاقي صعوبة كبيرة جداً.
مرة في الثانية في الثالثة وبعد مدة الفيل بيستسلم لمجرد وجودها — وبعد فترة بيبدلوا الكرة الحديد بكرة خشب، الفيل نفسه أول ما بيبص عليها بيستسلم مع إن المفروض الحركة اتغيرت.
الشاهد من هنا: الناس في دمياط عندهم خبرة كبيرة جداً في تخصصاتهم، عندهم جودة، عندهم رأس مال، عندهم خبرة فريدة في عمليات تصنيع وتجارة — لكن مع كم المشاكل المحيطة اللي ممكن ما تكونش مشكلتهم بيبدأوا يربطوا نفسهم تلقاىي بيها.
سوق دمياط أكبر التحديات اللي بيقابلها هي تغيير الفكر بما يتناسب مع المتلقي مش اللي بيقدم الخدمة — وممكن تقيس دا على معظم القطاعات في مصر.
